Në vizitën e sotme të punës në Replek, ambasadori austriak dr.Georg Vucas vizitoi objektet prodhuese dhe së bashku me drejtorin e përgjithshëm, Dushan Pecovski, paralajmëruan mundësi të reja për bashkëpunim ndërmjet dy vendeve.

Në konferencën për shtyp që pasoi vizitën, drejtori i përgjithshëm theksoi se Replek është një kompani në të cilën është prezent kapitali austriak dhe është shembull i shkëlqyer i një investimi të huaj të suksesshëm në Maqedoni, e cila prej 20 vitesh prodhon barna gjenerike cilësore dhe eksporton në më shumë se 25 vende të botës.

“Angazhohemi për avancimin e bashkëpunimit ndërmjet ekonomisë dhe industrisë austriake dhe maqedonase, për të cilën ka interes të madh nga të dyja palët. Planifikojmë investime kapitale në objektet prodhuese që do të përfshijnë kompanitë austriake, resurset dhe njohuritë, plasimin e produkteve tona në Austri si dhe plasimin e produkteve austriake në tregun maqedonas.

Vazhdojmë të rritemi, modernizojmë dhe punojmë me përkushtim për të arritur qëllimin tonë, për të sjellë një pjesë të botës në Maqedoni dhe për të transferuar një pjesë të Maqedonisë në botë, prandaj pa lodhje punojmë në prodhimin e barnave cilësore të disponueshme për të gjithë dhe për pushtimin e tregjeve të reja.