ФОРВИТА^® витамини и минерали капсулите се комбинација на витамини и минерали.

Витамините се супстанции со висока биолошка вредност, кои учествуваат во регулирање на низа биохемиски процеси во организмот. Витамин Ц придонесува за нормална функција на имунолошкиот систем, ја зголемува апсорпцијата на железо и придонесува за заштита на клетките од оксидативен стрес. Витамин Д придонесува за одржување на нормални коски и нормални заби и за нормална апсорпција на калциум. Витамините Б1, Б6 и Б12 придонесуваат за нормална функција на нервниот систем. Дополнително, витамините Б1, Б2, Б3, Б6, Б12 и пантотенска киселина придонесуваат за нормален енергетски метаболизам. Исто така, витаминот Б3 придонесува за одржување на нормална кожа. Витамин  А придонесува за одржување на нормален вид и за одржување на нормални мукозни мембарни. Витамин Е придонесува за заштита на клетките од оксидативно оштетување. Витамин К1 придонесува за нормална коагулација на крвта и за одржување на нормални коски. Фолната киселина има улога во клеточната делба, придонесува за нормална синтеза на аминокиселини и придонесува за нормално формирање на црвените крвни клетки.

Минералите и олигоелементите се важни за организмот. Тие се составни компоненти на сврзното ткиво, како и активатори и компоненти на ензими и хормони. Магнезиум придонесува за нормален енергетски метаболизам, нормална функција на невромускулниот систем и одржување на нормални коски. Цинк, бакар и селен придонесуваат за заштита на клетките од оксидативен стрес и за нормална функција на имунолошкиот систем. Исто така, цинкот придонесува за одржување на нормална кожа, коса и нокти, како и за одржување на нормална плодност и репродукција кај жените и мажите во  репродуктивниот период. Селен придонесува за нормална сперматогенеза и за нормална функција на тироидната жлезда. Манган придонесува за нормален енергетски метаболизам и за создавање и одржување на нормално сврзно ткиво. Хром помага во одржување на нормално ниво на глукоза во крвта. Железо придонесува за нормално формирање на црвените крвни клетки и хемоглобин, за нормална функција на имунoлошкиот систем и за намалување на заморот и исцрпеноста.

ФОРВИТА^® витамини и минерали капсулите може да се употребуваат при зголемена телесна активност или при состојби кога се зголемени потребите за витамини и минерали.

Возрасни (вклучувајќи ги и децата над 14 годишна возраст): 1 капсула на ден.

Да не се надминува препорачаната дневна доза.

Производот како додаток на исхрана не треба да се користи како замена на разновидната исхрана

Пред употреба на производот консултирајте се со Вашиот лекар или фармацевт ако сте бремени или доите, земате други лекови или имате било каков медицински проблем.

Производот да не се употребува доколку постои преосетливост на некоја од составните компоненти на производот. Доколку се појави преосетливост, треба да се престане со употреба.

ФОРВИТА^® витамини и минерали капсулите содржат шеќер лактоза. Ако Ви е кажано од Вашиот лекар дека не поднесувате некои шеќери, пред да го употребите овој производ контактирајте го лекарот.

Една капсула ФОРВИТА^® витамини и минерали во својот состав содржи:

*Препорачано Дневно Внесување

Кутија со 30 капсули и внатрешно упатство.