Летните периоди се предизвик за крводарителството во поглед на собирање на доволни количини на крв.
На крводарителната акција организирана вo соработка со ЈЗУ Институт за трансфузиона медицина и Црвениот крст на РМ, вработените на Реплек донираа 135 единици крв.
Секоја капка крв е важна!
The Distinguished Gentleman’s Ride е настан со фокус на машкото здравје.
Овој настан е со хуманитарен карактер – собирање средства за најсовремени истражувања за рак на простата и програми за машкото ментално здравје. На 22 ри мај нашите вработени ќе земат учество на Distinguished Gentleman’s Ride и ќе ја поддржат иницијативата за подигање на свесноста од превенција на рак на простата.
Придужи ни се и ти, заедно да ја поткренеме свеста за машкото физичко и ментално зравје. Превенцијата е важна! Прегледај се!
Низ годините, со јасно одредена цел и посветеност успеавме да создадеме современа фармацевтска компанија која работи според највисоките стандарди на фармацевтската индустрија. Ги следиме светските научни трендови и ги имплементираме во производство на висококвалитетни генерички лекови. Континуирано вложуваме во иновативни технологии, отвараме нови терапевтски можности и создаваме вредности за идните генерации.
Нашата цел ја реализираме доследно почитувајќи ги компаниските вредности, вработените, клиентите и партнерите, градејќи основи за долгорочна соработка и доверба. Нашата визија е да бидеме помеѓу десетте водечки компании на пазарите каде сме присутни. До сега производите ги пласираме во повеќе од 25 земји, на сите пет континенти и неуморно работиме на освојување на нови странски пазари.
Јубилејната 2021 година ја посветувеме на децата, бидејќи тие се нашата иднина. Во чест на заедничкиот јубилеј и на М-р Душан Туџаров кој е покровител на СОС Детско село од самото основање, ја продолжуваме традицијата на солидарност и отвараме ново подглавје во реализирање на клучните вредности како општествено одговорна компанија.
Со компаниски донации и хуманитарни активности, помагаме во реализација на мисијата на СОС Детското село “Обезбедуваме топол дом, грижа и љубов за секое дете”.
Подржете ја кампањата, помогнете на децата без родители!
Линк за индивидуални донации https://sos.org.mk/doniraj/
Линк за онлине нарачка https://grouper.mk/shop/green-shop
Во одлична форма и кондиција, тимот на Реплек Фарм го освои четвртото место на традиционалната Бизнис Трка 2021, организирана од страна на Прв до Врв.
Бројните натпреварувачи на Реплек Фарм, поделени во 5 тима, годинава трчаа во чест на прерано починатиот колега Јорго и изјавија:
“Контунуирано работиме на наше подобрување и целиме високо. Се гледаме догодина со уште подобар резултат “
Денес свечено беше отворен новиот погон, кој се протега на површина од 600 м2, во чија изградба се вложени три милиони евра. Новиот погон ќе овозможи двојно зголемување на капацитетот за производство на полуцврсти дозажни форми и за 30 отсто зголемување на капацитетот за производство на течни дозажни форми, што ќе ја овозможи реализацијата на нашиот стратешки план во освојување на нови пазари.
На отворањето на погонот, покрај претседателот на Управниот одбор Душан Пецовски, се обратија и Министерот за здравство Др. Беким Сали, Деканот на Фармацевтскиот факултет Проф. Зоран Стерјев и амбасадорот на Република Австрија Др. Георг Вуцас, истакнувајќи го значењето на економскиот аспект на ваквите инвестии како и важноста на соработката со високообразовните институции, во насока на подобрување на едукацијата на стручни кадри и унапредување на научно истражувачката дејност во услови на брз технолошки развој.
На денешната работна посета во Реплек, австрискиот амбасадор Д-р Георг Вуцас ги посети производните капацитети и заедно со Генералниот Директор, Душан Пецовски, најавија нови можности за соработка меѓу двете земји.
На прес конференцијата која следеше по посетата, генералниот директор потенцираше дека Реплек е компанија во која е присутен австриски капитал и е одличен пример за успешна странска инвестиција во Македонија која веќе 20 години произведува квалитетни генерички лекови и извезува во повеќе од 25 земји ширум светот.
“Се залагаме за унапредување на соработката меѓу австриското и македонското стопанство и индустрија, за што постои голем интерес од двете страни. Планираме капитални инвестиции во производните капацитети кои ќе вклучат австриски компании, ресурси и know-how, пласман на наши производи во Австрија како и пласирање на австриски производи на македонскиот пазар.
Продолжуваме да растеме, се модернизираме и посветено работиме на остварување на нашата цел, да донесеме дел од светот во Македонија и да пренесеме дел од Македонија во светот поради што неуморно работиме на производство на квалитетни лекови достапни за сите и на освојување на нови пазари.
На средбата, беше разговарано за новите можности за ширење на бизнис соработката на Реплек во регионот на Западен Балкан. Истата би се реализирала преку активностите на Стопанската комора, која е единствената бизнис асоцијација од државата членка на ЗБ6 (6 партнерски Стопански Комори). Покрај другите активности, планирано е и претставување на компанијата на предстојниот Коморски Инвестициски Форум.
